Nëse keni vënë re që Valbona Mhilli kohët e fundit është bërë më e rezervuar se zakonisht në rrjetet sociale, nuk jeni vetëm. Gazetarja dhe ish-banorja e “Big Brother VIP 4” po ndez kuriozitetin e ndjekësve me një projekt të ri, të cilin e ka zbuluar vetëm me pak fjalë… por ato mjaftuan për t’i vënë të gjithë në pritje.
Gjatë një sesioni pyetje-përgjigje në “Instagram”, ndjekësit e saj u përpoqën të kapnin çdo detaj rreth asaj që po vjen. Pyetjet shkuan nga jeta e saj e përditshme te marrëdhëniet me ish-banorët e BBV-së, por më e klikuara mbeti ajo për bashkëpunimin me Joz Markun.
Siç dihet, Valbona kishte lënë të kuptohej më herët se “diçka” po vinte, ndërsa një fans e pyeti drejt e pa dorashka:
“Ke thënë se po vjen diçka me Jozin, kur?”
Edhe këtë herë, Valbona nuk deshi të zbërthente shumë, por mjaftoi një fjali që ndezi edhe më shumë kureshtjen:
“Diçka po zihet… por s’po them asgjë më shumë tani. Di vetëm të them se do jetë wow”, shkroi ajo në Instastory.
Çfarë po vjen? Një projekt televiziv? Një format i ri? Diçka krejtësisht jashtë pritshmërive? Për momentin, Valbona ka zgjedhur të mbajë të gjithëve në ankth.
Por një gjë e ka thënë vetë: “Do të jetë wow…”
