E ftuar në “Ferma Club” pas eliminimit nga reality-show “Ferma VIP 2”, Ester Alushi ndau mendimet e saj për eksperiencën në fermë, marrëdhëniet me banorët dhe vendimin e publikut për largimin e saj. Ajo tregoi se nuk ka mbetur e mërzitur nga rezultati dhe i pranoi të gjitha me sportivitet.
“Jam pak impulsive dhe marrë flakë direkt. Ndoshta këtë pjesë duhet ta kisha fshehur sepse aty është lojë. Por unë kështu jam, s’mund të ndryshoj për lojën.”
Një nga temat që ka ngjallur më shumë kuriozitet ishte afërsia e saj me Anduelin, e cila u komentua gjerësisht edhe brenda fermës. Por Ester sqaroi çdo paqartësi:
“Patjetër që do e vazhdoj miqësinë me Anduelin. Kam folur me Klean dhe jam shumë shoqe me të dashurën e tij. Kam komunikim edhe me motrat dhe familjarët e tij.”
Ester theksoi se lidhjet më të ngushta që krijoi gjatë qëndrimit të saj në fermë ishin me Anduelin, Andrea dhe Big Mamën, ndërsa shtoi se e sheh të mundur të krijojë një miqësi të mirë edhe me Big Bastën. Megjithatë, përkrahja më e fortë e saj mbetet për Anduelin, për të cilin foli me superlativa:
“Ai ka dhënë më shumë se çdo fermer tjetër. Për mua, ai është fituesi.”
Duke e quajtur “vëllai im jobiologjik”, Ester bëri të qartë se lidhja e tyre është bazuar vetëm në miqësi dhe respekt të ndërsjellë.
