Në prag të ndeshjes kundër Izraelit, protagonist kuqezinj një nga një po zbarkojnë në aeroportin “Nenë Tereza” në Rinas.
Në një intervistë për “Supersport”, portieri i Kombëtares shqiptare, Etrit Berisha beson se Shqipëria do të marrë një rezultat pozitiv duke dhënë edhe një parashikim.
“Është një mundësi e mirë për ne, po kalojmë një formë të mirë dhe kemi mundësi të bëjmë rezultat. Ata kanë një ekip shumë të mirë, cilësor dhe mjaft sulmues. Do të bëjmë maksimumin për të synuar fitoren, tre pikët janë të rëndësishme për ne. E rëndësishme është që skuadra të fitojë, qoftë edhe me shifrat 2-1.
Ndeshja mes Shqipërisë dhe Izraelit do të zhvillohet më 12 nëntor në “Loro Boriçi”.
