Një nga zërat më të mirë të rrokut shqiptar, Eugent Bushpepa ka nisur rrugëtimin drejt ‘Eurosong-ut’ që do të mbahet në Lisbonë në datat 8-10 maj.
“Mall”, kënga përfaqësuese e Shqipërisë, tashmë po promovohet në disa prej qyteteve më në zë të Evropës dhe nga pritshmëritë e para, vlerësimet duket të jenë maksimale.
Këtë e tregojnë mjaft qartë edhe rezultatet e sondazhit të hapur në faqen zyrtare të ‘Eurovizion’. ‘Mall’ është ngjitur në vendin e katërt në renditje duke grumbulluar plot 2471 vota. Ndërsa vendin e parë e mban Bjellorusia me 3874 vota. /revistawho.com
