Euro 2024 starton sonte. Shqiptarët përjetojnë këtë herë një emocion ndryshe pasi do të shohin djemtë e Kombëtares në fushën e blertë në Gjermani. Të shtunën në orën 21.00 nis përballja Shqipëri-Itali në stadiumin “Iduna Park”, dhe rrjeti i njohur televiziv, ESPN raporton se më shumë se 50 mijë tifozë shqiptarë do jenë të pranishëm për të parë ndeshjen me Italinë, një rekord për Evropianin.
“UEFA dhe autoritetet gjermane po përgatiten për mbi 50,000 tifozë të Shqipërisë që të marrin pjesë në ndeshjen e së shtunës në Euro 2024 kundër Italisë në Dortmund, thanë burimet për ESPN, në atë që do të jetë kontingjenti më i madh udhëtues i çdo skuadre tjetër përveç vendit pritës”
