‘Eurosong 2020’ nuk do të mbahet në Amsterdam, çfarë fshihet pas këtij vendimi?

Amsterdami nuk do të jetë vendi ku do të organizohet “Eurovision Song Contest” në vitin 2020. Në këtë mënyrë, është hapur gara mes pesë qyteteve të tjera për të zgjedhur se ku do të mbahet koncerti i përvitshëm.
Kryebashkiakja e Amsterdam Femke Halsema deklaroi se kryeqyteti Holandez nuk do ta organizojë eventin, pasi “Ziggo Dome” ku ishte programuar të zhvillohej festivali është i prenotuar dhe nuk lirohet dot as tetë javë para eventit.
Rotterdam, Utrecht, Den Bosch, Arnhem dhe Maastricht janë qytetet që garojnë për të zhvilluar Eurovizionin dhe fituesi pritet të njoftohet përgjatë muajit gusht. “Eurovision Song Contest 2020” do të zhvillohet në shtetin e Holandës, pas fitores se Duncan Laurence në festivalin e organizuar në Izrael. Si çdo herë tjetër, fituesi i këtij kompeticioni sjell me vete dhe emrin e vendit ku pritet të mbahet festivali në vitin pasardhës./revistawho.com