Transmetuesi publik spanjoll RTVE do t’i kërkojë zyrtarisht Unionit Evropian të Transmetimeve (EBU) të hapë një debat mbi përshtatshmërinë e sistemit të televotimit dhe një auditim të votës së audiencës, duke ngritur dyshime rreth ndikimit të tij në konfliktet e vazhdueshme të luftës.
Iniciativa u njoftua nga Rtve në një mesazh në X, pasi përfaqësuesja e Spanjës, Melody, u rendit e parafundit dhe Izraeli fitoi televotimin pavarësisht se mori një rezultat modest (vetëm 60 pikë) nga juria e ekspertëve të konkursit. Rtve beson se rezultati i televotimit u ndikua nga skenarët aktualë të luftës, duke kompromentuar natyrën kulturore të garës. U theksua gjithashtu se si në gjysmëfinale, vendet e përfshira në konflikt, Izraeli dhe Ukraina, fituan të dyja votën e publikut.
