Eurovizion, zbulohen emrat e jurisë shqiptare

Votimi në kompeticionin europian të këngës Eurovizion 2016, edhe këtë vit nuk do të ketë ndryshime. Juritë kombëtare të çdo vendi pjesëmarrës, edhe sivjet janë pjesë e garës muzikore më të madhe në Evropë. Çdo juri do të votojë brenda vetes për të dhënë më pas votat në renditje nga 1 deri në 12 pikë. Juria shqiptare, këtë vit do të ketë 5 emra të rinj në juri: Kejsi Tola-këngëtare, ish-pjesëmarrëse në Eurovizion, tekstshkruesi Agim Doçi, Edison Miso-Profesor në Universitetin e Arteve në Tiranë, Flamur Shehu-kompozitor dhe Nisida Tufa-gazetare, janë juria që do të japë pikët e Shqipërisë për këngët më të pëlqyera, transmeton “Class”. Eurovizion, këtë vit do të nisë më 10 maj, ndërsa përfaqësuesja jonë Eneda Tarifa do të këndojë më datë 12 maj.