Sapo është fejuar me Jose Antonio Baston, sipërmarrësin bukurosh, dhe nuk e ndjen mungesën e një fëmije. Po flasim për aktoren Eva Longoria e cila pas dy vjetësh lidhjeje zyrtarizoi marrëdhënien e saj dhe po shkon drejt altarit. Mirëpo për Evën, martesa dhe familja nuk përfshijnë medoemos edhe fëmijët, të paktën për momentin. “Sapo kam mbushur 40 vjeç dhe po mendoja që nuk më mbetet edhe shumë kohë. Pra duhet të filloj të planifikoj fëmijë por në fakt ndjej se jeta ime është plot”, ka thënë ajo për “People”. Në jetën e aktores në të vërtetë tashmë ka plot tre fëmijë që i fejuari i saj i ka pasur nga martesa e parë. “Ishin një dhuratë në jetën time, dhe nuk ndjej mungesë vetëm se nuk kemi një fëmijë tonin. Sot jemi të lumtur kështu. Nëse do të vijë diçka më shumë, do të jetë qershia mbi tortë”, ka thënë ylli i “Shtëpiake të dëshpëruara”.
