Eva Murati i ka planet të qarta, e ka vendosur edhe se kur do të martohet

Eva Murati e ka nisur karrierën e saj në televizion në një moshë shumë të vogël dhe vazhdon ende të punojë me të njëjtin ritëm e pasion. Në një intervistë virtuale me ndjekësit në ‘Instagram’ moderatorja ka treguar se ka nisur punën në televizion që në gjimnaz dhe pavarësisht se është pjekur para kohe është e lumur që ka bërë diçka që e bënte të ndihej mirë. Duke qenë se ka nisur të punojë që në adoleshencë, duket se anagzhimet profesionale janë mjaft të rëndësishme për Evën megjithatë ajo i ka planet të qarta edhe për jetën private. Dikush nga ndjekësit e saj e ka pyetur “Kur mendon të martohesh?” dhe Eva i është përgjigjur: “Kur të mbush 28 vjeçe (pas 4 vitesh)”. Siç duket ajo e ka menduar mjaft mirë gjithçka dhe pasi të ketë arritur të bëjë realitet çdo ëndërr të saj do të mendojë për krijimin e një familje. Në një intervistë të dhënë së fundmi për “Ftesë në 5” moderatorja u shpreh se është shumë e lumtur me jetën e saj, pa zbuluar nëse është në një lidhje apo beqare. /revistawho.com