Personazhet e njohur të ekranit rrallë herë tregojnë për familjen e tyre dhe publikojnë foto me ta. Më së shumti kjo përdoret si një mënyrë për t’i mbajtur larg medias dhe për të ruajtur privatësinë. Një ndër to është aktorja dhe moderatorja e njohur Eva Murati, e cila fundjavën ka vendosur t’ia kushtojë familjes. Ata janë nisur drejt Pogradecit dhe Durrësit për të kaluar disa momente të bukura larg Tiranës. Eva ka ndarë disa video dhe foto me ndjekësit e saj në ‘Instagram’ teksa shëtiste me motrën e saj. Motra quhet Doris dhe është pothuajse identike me aktoren e njohur.
Ditën e djeshme, Eva zgjodhi t’i dedikojë disa fjalë të ëmbla më të shtrenjtëve në jetën e saj. “Nuk e di se sa të mungojnë motra dhe vëllai në jetën e përditshme deri sa rinis udhëtimet me familjen. I dua”, ka shkruar ajo./revistawho.com
