Mbrëmja e djeshme ka bërë bashkë në qendrën tregtare “TEG” personazhe të njohur të ekranit, të cilët u mblodhën në këtë fund viti për t’i uruar mirëseardhjen një tjetër brand-i të rëndësishëm ndërkombëtar, siç është “NetWork”. Marka që vesh supermodelen Irina Shayk, tani flet shqip dhe vjen si një mundësi unike për të gjithë ata që dëshirojnë të tregojnë stil e personalitet me veshjen e tyre. Show room-i i “NetWork” përmban një gamë të gjerë veshjesh femërore dhe mashkullore dhe shumë nga të ftuarit e mbrëmshëm kanë nxituar të bëjnë zgjedhjet e tyre në këtë periudhë të bukur të vitit, ku dhuratat për veten dhe të tjerët janë gjithmonë të justifikuara.
Fotot: Altin Çelmeta
[metaslider id=11961]
Kompania “NetWork” hyri në industrinë e konfeksioneve turke në vitin 1999 dhe është një markë krijuese e dinamike që plotëson natyrën gjithëpërfshirëse të shekullit 21 dhe që është zgjeruar me kalimin e viteve. Duke ruajtur stilin e saj “clear”, “NetWork” simbolizon kryesisht ditët e sotme të informacionit dhe teknologjisë duke theksuar nevojat e profesionistëve për komunikim – që është edhe target grupi i kësaj marke. Njëherazi, ajo ripërcakton procesin e realizimit të konfeksioneve që nga koncepti e deri te dizajni, që nga puna me gjilpërë dhe deri te prezantimi i tyre përfundimtar.
Duke ecur me parimin “synojmë cilësinë” që në ditën e parë të themelimit të saj, kompania “NetWork” krenohet me faktin se është një markë e cila përfaqëson origjinalitetin dhe cilësinë, kryesisht për shkak të konceptit të saj për modën “pa kohë”.
Çdo sezon është ndryshe…
“NetWork” pasqyron dinamikën e jetës moderne dhe urbane të modës, me një qasje realiste. Ajo kombinon dizajnet e veçanta me cilësinë, duke pasur parasysh çdo nevojë të femrave dhe meshkujve në karrierë, si për veshje dite, ashtu edhe për veshje mbrëmjeje.
Një erë e re në “NetWork” – PA KOHË
Nisur me moton “pa kohë”, duke pasqyruar rrjetin urban dhe duke paraqitur veshje të cilat mund t’i vishni në çdo kohë, ky koleksion i veçantë klasik i titulluar “Pse klasik?”, shpalos më së miri objektivat e tyre. “Pa kohë”, si stinët, pa kufij, ky koleksion verë-dimër konsiston në veshje të cilat mund të vishen në çdo stinë. Ndryshime të vogla në detajet e kostumeve klasike të koleksionit Klasik, mund të riinterpretohen duke kaluar në nocionin “pa kohë”.
Efekti “touch” në qytet
Efekti “Touch” sjell qetësinë e fundjavave në koleksionin “NetWork”, duke bërë një frymëmarrje të thellë në ritmin e shpejtë të përditshmërisë në punë. Tekstile të lehta dhe ngjyra i shtohen kënaqësisë së veshjeve për femra dhe meshkuj.
Kodi i veshjes për mbrëmjen është “e zezë”
Veshjet e zeza për mbrëmje të koleksionit “pa kohë” të “NetWork”. Me tekstilet unike dhe cilësinë e rrallë në qepje, smokingët dhe fustanet e mbrëmjes për femra i sjellin një shkëlqim të ri jetës së natës.
Burimi i fuqisë: Strategjia e markës
Vizioni: Të jemi një nga markat lider në botë për veshjet, me anë të dizajneve origjinale, cilësisë së lartë dhe identitetit të markës.
Target: Femrat nga mosha 25 vjeç e lart dhe meshkujt e grupeve social-ekonomikë A dhe B.
Personaliteti: Socialë dhe aktivë, të fortë, modernë, ekstrovertë, me vetëbesim dhe vetëvlerësim të lartë, të sofistikuar dhe dinamikë.
Imazhi i markës: Marka ndjek nga afër të gjitha trendet botërore, përmirësohet çdo ditë dhe konkurron standardet botërore.
Ofertat e markës: Ofron alternativat ideale për elegancën femërore dhe mashkullore si për veshje të ditës ashtu edhe për veshje të natës, duke i bërë klientët e saj të ndihen të zgjuar dhe rehat në të njëjtën kohë.
Vlerat e markës: Cilësi, detaje, përsosmëri, inovacion, punime me dorë, dizajn, dinamikë dhe avangardë.
Diferencimi i markës: Cilësi e lartë e tekstileve, koleksione “pa kohë” dhe një ekip dizajni me eksperiencë ndërkombëtare.
