Këngëtarja Evi Reçi prej disa kohësh është larguar nga Shqipëria dhe vazhdon karrierën si gazetare radiofonike në Firence të Italisë. Sigurisht që Evi nuk ka hequr dorë nga muzika, sepse ajo mendon që herë pas here të vijë me projekte të reja.
Së fundmi ajo do të bashkëpunojë me këngëtarin e njohur Dren Abazi, por në fakt ky bashkëpunim do ta sjellë Evin shumë larg asaj që jemi mësuar ta shohim. Në videoklipin e këngës së Dren Abazit që pritet shumë shpejt të dalë në treg, Evi do të ketë rolin e aktores. Këtë gjë e ka bërë të ditur Dreni me anë të një fotoje në ‘Instagram’ në të cilën shihet këngëtarja e shtrirë në një vaskë. Ky projekt i ri i Dren Abazit do të quhet ‘Deja Vu’ dhe ne tani jemi shumë kuriozë të shohim Evin në këtë rol të ri. /revistawho.com
