Ditën e djeshme Evi Reçi festoi 29-vjetorin e lindjes dhe urimet nga të afërmit dhe fansat e saj qenë të shumta. Në mbrëmje moderatorja festoi me miqtë e saj më të mirë në një nga restorantet e qytetit.
Pas festës Evi bëri një “bilanc” të viteve të jetës së saj dhe falenderoi të gjithë ata që e uruan me fjalë zemre për ditëlindjen. “Të numërosh pranverat që ke kaluar me buzëqeshje, me dashuri, me lodhje, me muzikë, me punë, me njerëz që të duan, por edhe që të kanë lënduar. Bilanci ishte i tillë: paskam buzëqeshur në shumicën e rasteve dhe kam falur shumë aq sa sot jam mirënjohëse për çdo buzëqeshje të falur me apo pa meritë. Mirënjohëse për çdo urim që mora dje, për çdo ‘story’ të hedhur ku vërtet tregonit që jam në jetën tuaj, në një mënyrë apo në një tjetër duke krijuar një histori të vockël. Mirënjohje për lulet e bukura që gjithmonë i kam preferuar se sa dhuratat. Dje u emocionova dhe u përlota dhe jo se u rrita në moshë, por sepse reflektova brenda vetes dhe pashë Evin që desha të shoh dhe që ende nuk ka humbur entuziazmin për të jetuar”, ka shkruar Evi në postimin e saj në ‘Instagram’.
https://www.instagram.com/p/Bw6gVTWHfT-/
Kujtojmë se Evi Reçi prej pak muajsh moderon emisionin “Vizioni i pasdites” dhe në të njëjtën kohë vazhdon të zhvillojë pasionin e saj për muzikën. /revistawho.com
