Evi Reci feston ditëlindjen, surprizohet në studio nga njerëzit më të dashur

Ditën e sotme moderatorja dhe këngëtarja e njohur, Evi Reci feston ditëlindjen. Por ky 30 vjetor nuk është aspak ashtu sikurse ajo e kishte menduar, për shkak të karantinës. Megjithatë stafi i “Vizioni i Pasdites”, ka vendosur ta surprizojë në studio, teksa Evi moderonte emisionin. Ato i kanë sjellë një tortë të veçantë, me figurën e saj dhe logon e emisionit dhe një tufë me lule. Gjithashtu Evi është surprizuar me një videomesazh nga prindërit dhe mikesha e ngushtë, Arjola Shehu. Ky moment e ka emocionuar dhe prekur pa masë Evin. Kjo ditëlindje vërtet ka qenë ndryshe për të, por me siguri këto surpriza e kanë bërë mjaft të bukur.