Sanremo numëron edicionin e tij të 74-ët dhe nuk janë vetëm artistët ata që marrin vëmendjen. Janë dhe gazetarët dhe njëra prej tyre gjejeni kush është? Është pikërisht Evi Reçi, e vetmja gazetare për radio nga Shqipëria.
“Rikthehem për vitin e dytë radhazi në Festivalin e Sanremos këtë vit, akoma më pranë artistëve te salla e shtypit “Lucio Dalla” aty ku dhamë dhe votën tonë për artistët në garë, një tjetër privilegj që nuk e kisha provuar më parë!
Isha e vetmja përfaqësuese nga radiot shqiptare gjë që më dha edhe më shumë përgjegjësi:). Të jesh dhe artiste dhe gazetare mendoj se është një plus për t’i parë të dyja anët e këtij festivali dhe unë pata fatin vjet ta shoh spektaklin nga afër me një ftesë speciale, dhe sivjet të prek emocionet mediatike.
Ka diçka të mirë ky festival edhe pse ka 1 trofe, të gjitha këngët pas përfundimit vazhdojnë e dëgjohen dhe gëzojnë respektin e publikut. Forumet, radiot, zonat e talenteve të reja dhe publiku që takon artistët janë atmosfera e vërtetë që lejon përjetimin e plot të Sanremos.
Ndoshta edhe festivali ynë duhet një ditë t’i përafrohet kësaj mënyre që ka në fokus artin, vlerat artistike dhe respektin ndaj artistit”, ka shkruar Evi në një postim në “Instagram”.
