Do të ishte një foto e Evi Reçit postuar në instagram me hashtagun #studio që do të na shtonte kuriozitetin.
Bordo ka mësuar që këngëtarja e hitit “Zhdukem ngadalë” është mbyllur në studio për projektin e saj më të ri muzikor. Bëhet fjalë për një këngë të re me nuanca elektronike por edhe shumë sensuale në të njëjtën kohë.
Kënga e cila do të shpërndahet në shumë portale dixhitale botërore si iTunes dhe Spotify, pritet të dalë në muajin tetor e më pas do t’i bashkëngjitet dhe videoklipi që do të realizohet në Firence nga një studio italiane.
Drejtor artistik i kësaj kënge por edhe të tjerave që do të pasojnë është Bojken Lako ndërsa çdo krijim do të prezantohet nën logon e distribucionit dixhital “360M records” me bazë në New York.
Në majin e vitit të kaluar, këngëtarja simpatike erdhi me hitin “Merr guximin (fër fër fër), një evokim i artit të dikurshëm i cili riktheu këngën “Kur më vjen burri nga stani” interpretuar nga Tefta Tashko, por në një version modern.
