“Ezeli” tregon se si e njohu gruan e jetës

Ai është bërë i famshëm me shumë role në serialet turke, por ai që ka mbetur në mëndjet e shqiptarëve është ‘Ezeli’. Aktori i mirënjohur turk dhe shumë i lakmuar nga femrat, Kenan Imirzalioglu, i ka propozuar martesë të dashurës së tij Sinem Kobal, në natën e Krishtlindjeve. 41-vjeçari ka rrëfyer për mediat se si e njohu dashurinë e tij dhe se si e mori këtë vendim. Ai tregon se ka kohë që e frekuentojnë njëri-tjetrin, por janë munduar të qëndrojnë larg mediave. “Jemi njohur bashkë përmes shoqërisë. Edhe pse na lidh profesioni, më parë njiheshim vetëm në mënyrë virtuale. Kur miqtë tanë organizuan një darkë, aty shkëmbyem numrat dhe një javë më vonë e mora në celular, sepse më duhej një femër e pashme për serialin. Kështu filluam të dilnim bashkë dhe në një kohë të shkurtër i bëra propozimin për martesë, sepse e kam gjetur dashurinë e vërtetë tek ajo”, – deklaron për mediat aktori i famshëm.