Fabrizio Corona ka qenë i furishëm kohët e fundit kur bëhet fjalë për thashethemet dhe, mbi të gjitha, historia mes Fedez dhe Chiara Ferragni. Gazetari u rikthye për të folur për reperin menjëherë pas finales së Festivalit të Sanremos dhe këtë e bëri në programin “Peppy Night” të Peppe Iodice, të transmetuar në Canale 21.
“Fede kishte dhe ka një shans me Sanremon, por tashmë e ka një tjetër. Një natë tjetër debatoi me dikë jashtë klubit, por mjaft! Ka edhe imazhe. Ai ka dashur të godasë dikë dhe është filmuar nga celularët e të pranishmëve, për fat është mbajtur nga truprojat e tij, por ka gabuar. Jemi miq? Sigurisht, miq të ngushtë, po miq të ngushtë. Pse e tregova historinë e tij? Por është e thjeshtë. Ai është këngëtar dhe unë tregimtar. Kush është këngëtar këndon, kush është humorist duhet t’i bëjë njerëzit të qeshin dhe unë tregoj historitë.”
Fabrizio Corona pretendon se nuk ka pasur kurrë ndonjë keqdashje ndaj askujt kur ai ndau jetën private të Fedez me miliona ndjekës. Madje duke marrë meritat për suksesin e reperit në Sanremo, Corona shpjegoi: “Nuk ka asnjë keqdashje. Në fakt, unë e ndihmova me atë që thashë. Fedez do të kishte kaluar pa u vënë re, siç ka kaluar gjithmonë pa u vënë re vitet e fundit. Ato emocione dhe ndjesi që ai transmetoi erdhën edhe falë asaj që zbulova. Pa mua ai nuk mund ta bënte atë. Nëse doli i katërti, kjo është falë meje!”.
