Vazhdojnë gjyqet për Fabrizio Corona-n, kësaj here thirret si dëshmitare Belen Rodriguez
Ish-mbreti i paparacëe në Itali ndodhet pas hekurave prej muajsh nën akuzën e mashtrimit dhe evazionit. Sakaq gjyqet për të vazhdojnë e kësaj here në gjykatë është thirrur të dëshmojë vetë Belen Rodriguez, në cilësin e ish-të fejuarës.
“Fabrizio ishte njeriu i zarfave. Sa herë që hipja në makinë kishte zarfa plot me para. Sillte në shtëpi 10, 15 mijë euro çdo herë. Kishte dhe një kartë krediti por nuk e përdorte. Paguante kesh dhe kështu i donte paratë. Nëse Fabrizio nuk kishte 10 mijë euro në xhepin e xhaketës nuk ishte i qetë, as nga shtëpia nuk dilte”, tha Belen në dëshminë e saj.
Më tej ajo sqaroi se fitonin shumë të dy si çift.
“Di që fitonte shumë para, tepër, po se sa nuk e di me saktësi. Ishin hesapet e tij. Paguheshim të dy shumë mirë dhe bashkë ishim një çift eksploziv”.
Mediat italiane shkruajnë se ajo i dhuroi një buzëqeshje e një përshëndetje me dorë ish-it të saj, duke injoruar tërësisht shikimin e të dashurës së tij prezente, këngëtares Silvia Provvedi. Në fund Belen shprehu besimin se Corona do t’ia dilte mbanë edhe kësaj here: “Ai është një luftëtar“./ revistawho.com
