Rrjetet sociale janë bërë pjesë e pandashme e përditshmërisë sonë dhe një pjesë e mirë e njerëzve mendojnë se bota virtuale na bën edhe më të lumtur. Por mesa duket nuk qenka kështu.
Instituti i Kërkimit të Lumturisë, me qendër në Kopenhagen, publikoi një studim sipas të cilit “shkëputja e spinës” nga rrjetet sociale sjell një sërë pasojash pozitive.
Sipas këtij rezultati, tek njerëzit që zgjedhin të shkëputen prej rrjeteve sociale lumturia rritet, ulet zemërimi dhe ndjenja e vetmisë reduktohet.
Instituti danez pranon në raportin e vet se ka mbetur i habitur nga periudha e shkurtër pas shkëputjes prej rrjeteve sociale, që u është dashur personave që të ndjehen më shumë të lumtur dhe të plotësuar.
