Partneri historik i këngëtares Whitney Houston, Bobby Brown, ka zbuluar disa të vërteta tronditëse rreth saj. Në një intervistë për “Us Weekly” ai u shpreh se artistja ishte biseksuale dhe kishte një lidhje intime me miken e saj më të mirë, njëherësh dhe asistentja e saj, Robyn Crawford. “Unë e dija që ishte biseksuale. Kemi qenë të martuar për 14 vjet dhe gjëra si këto i kemi biseduar. Sigurisht që ajo tërhiqej edhe nga unë që jam mashkull. Nëna e Whitney-t nuk e pranonte kurrsesi seksualitetin e saj. Whitney e dashuronte Robyn Crawford dhe unë e di që nëse kjo do të pranohej nga të tjerët, ish-gruaja ime do të ishte ende gjallë sot. Në vitet e fundit nuk kishte më miq të vërtetë në jetën e saj”, ka rrëfyer ai. Nëse deklaratat e Bobby-t janë reale, atëherë del për të disatën herë, që artistja e madhe ka pasur një jetë shumë të vështirë e të komplikuar. Veç varësisë nga dorga dhe dhuna e pësuar nga i shoqi, tani del në dritë dhe një dashuri e fshehur nga homofobia e të ëmës.
