Faktet konfirmojnë lidhjen e Naomi dhe Liam, dyshja e njohur kanë kaluar bashkë “Shën Valentinin”

Prej javësh në mediat rozë përflitet se Liam Payne ka krijuar një lidhje të re me Naomi Campbell, disa muaj pas ndarjes nga ish-partnerja, Cheryl. Liam dhe Naomi kanë qendruar të heshtur për këtë gjë, por faktet konfirmojnë lidhjen mes tyre. Së fundmi “The Sun” ka mësuar nga burime pranë dyshes se Naomi dhe Liam e kanë kaluar bashkë “Shën Valentinin”. Këngëtari ka fluturuar nga New York-u në Londër për të kaluar një ditë dhe mbrëmje speciale me supermodelen. Gjithashtu është mësuar se Naomi i ka kërkuar Liam që të mos jetë shumë njeri “i ngjitur”, sepse nuk dëshiron që marrëdhënia e tyre të kalojë me hapa të shpejtë. Ata të dy kanë kaluar një mbrëmje romantike në shtëpinë e Naomi dhe Liam është parë duke u larguar që andej ditën e premte. Ende nuk dihet se çfarë po ndodh mes Naomi dhe Liam, prandaj pritet që shumë shpejt të ketë një reagim nga ata të dy. /revistawho.com