Disa momente më vonë pritet të zhvillohet dasma e vitit, ajo e Justin dhe Hailey Bieber. Pak para eventit që po pritet me shumë kureshtje dhe padurim, Justin ka postuar një foto me partneren e tij dhe prindërit e saj të cilën e ka shoqëruar me një dedikim epik. “Unë me bashkëshorten dhe familja e saj. Faleminderit që e lejuat vajzën tuaj të martohet me një egërsirë si unë”, shkruan këngëtari bashkangjitur fotos së tyre të realizuar vite më parë, kur Hailey ishte ende një adoleshente dhe për më tepër fanse e tij. Çifti do të martohen në Karolinën e Jugut ndërsa mbrëmjem e kaluar ata kanë organizuar dhe një festë private para dasme në të cilën ishin të ftuar njerëzit e tyre më të afërt.
