Kryeministri Edi Rama ka publikuar videon falenderuese të ambasadës italiane pas solidarizimit të Shqipërisë për t’i ndihmuar ata me staf mjekësor në këto momente vështirësie.
“Faleminderi Shqipëri! Një vend që nuk i braktis miqtë”, kështu e cilësuan italianët gjestin fisnik të atyre 30 mjekëve dhe infermierëve, të cilët vendosën të japin kontributin e tyre në ndihmë të vendit fqinj në këtë situatë ‘lufte’. Përveç falenderimeve zyrtare, ky gjest është vlerësuar shumë nga mediat italiane, personazhe të njohur apo njerëz të thjeshtë, të cilët shprehën mirënjohjen dhe vlerësimin e tyre.
