Armina Mevlani ka publikuar ditën e sotme një postim lidhur me ngjarjet e fundit në vend. Duke shpjeguar se ka qenë mjaft e lënduar nga situata në vend, bloggerja ka shtuar se asgjë nuk ka vlerë para mirëqënies së të gjithëve. 28-vjeçarja ka shtuar se fama dhe pushteti janë një gënjeshtër e bukur duke theksuar se ajo çfarë ka vlerë janë gjërat e tjera.
“Të dashur miqtë e mi, këto kanë qenë ditë të vështira për familjet e dëmtuara, për të gjithë ata që kanë humbur të dashurit e tyre dhe për të gjithë ne. Nuk kam qenë e pranishme në postime sepse më është thyer zemra në copëza nga çdo lajm që kam dëgjuar dhe më dukej sikur nuk ishte jeta që po jetoja dhe nuk dua të pranoj që ky mund të jetë realiteti, e kam përjetuar me shumë ankth gjithçka. Jemi kaq të brishtë ne njerëzit dhe me këto gjëra që ndodhin kuptojmë se sa pak rëndësi kanë gjërat e vogla në jetë dhe se si në të tilla tragjedi mund të përfshihet çdokush prej nesh. Nuk ka kuptim arroganca, mosmirënjohja, përçmimi, por duhet të bëjmë vetëm mirë dhe t’i urojmë vetëm mirë çdokujt sepse kjo jetë për ne është vetëm një test dhe në fund të gjithë jemi të barabartë. Fama apo pushteti janë thjesht një gënjeshtër e bukur për ata që duan ta besojnë sepse ne ndjejmë njësoj, lumturohemi njësoj, vuajmë njësoj dhe në fund të gjithë shkojmë në të njëjtën rrugë. Po mundohem të ndihmoj me sa kam mundësi, por nuk dëshiroj të bëj publike asgjë. Shpresoj që kjo të jetë kalimtare dhe mos të përsëritet më kurrë dhe lutem çdo natë që zoti të lehtësojë dhimbjet e të gjithë atyre që kanë humbur të afërmit e tyre. Falenderoj zotin për familjen time dhe të gjithë ju që jeni mirë”, ka shkruar Mevlani krah fotos së fundit në rrjetet sociale.
Njëjtë si personazhet e tjerë, Armina i është bashkuar nismës për të ndihmuar njerëzit në nevojë, ndonëse ka zgjedhur të mos publikojë asgjë nga këto./revistawho.com
https://www.instagram.com/p/B5fnXrBFS5C/?igshid=ftnzlt3193gp
