Alban Skënderaj është një nga artistët që gjithmonë ka sjellë bashkëpunime apo këngë solo që janë kthyer në hite, por mesa duket, ai nuk pëlqehet vetëm nga publiku shqiptar. Erion Veliaj ka publikuar ditën e sotme në ‘Instagram’, një video ku shfaqen disa kinezë duke kënduar në mënyrë perfekte çdo fjalë të këngës ‘Mirëmëngjes’ të Albanit. “Eci në Kinë me 30 vetë. Se mos e merr vesh Noizy sa fansa ke në Kinë, se na fike”, ka shkruar Erioni krahas videos, duke shtuar kështu pak humor. Albani ia ka kthyer me një koment ku shkruan: “Po mirë, s’qenkemi keq! ¼ e botës e paskemi të siguruar”, ndërsa nga Noizy nuk ka pasur asnjë reagim. Kjo nuk është hera e parë që muzika e artistëve shqiptarë dëgjohet dhe në vende të tjera të botës, por kjo video e veçantë, me siguri do komentohet nga të gjithë./revistawho.com
https://www.instagram.com/p/BxM4mOShDAe/?utm_source=ig_share_sheet&igshid=1smtsumkfwi7j
