Pak muaj më parë Renato Mekolli mbylli me sukses edicionin e parë të spektaklit të gatimit “Hell’s Kitchen”. Ky program shkaktoi reagime të shumta në publik, prandaj arriti të thyente edhe rekorde shikueshmërie. Siç duket ky spektakël dhe sukseset e Renato Mekollit kanë tërhequr vëmendjen edhe të një televizioni izraelit. Shefi i njohur i kuzhinës është bërë pjesë e edicionit qëndror të lajmeve të televizionit në fjalë dhe aty flitet për “Hell’s Kitchen”, Renaton dhe restorantin e tij, “Umami”. Mekolli nuk ka ngurruar ta ndajë këtë gjë me të gjjthë ndjekësit e tjerë në “Instagram”, duke treguar se fama arrihet vetëm me punë. “‘Hell’s Kitchen Albania’, ‘Umami Restorant’ dhe shefi i tyre në edicionin qëndror të lajmeve në Izrael. Turizimi i Shqipërisë në Izrael”, ka shkruar Renato bashkangjitur videos së shkëputur nga lajmi.
https://www.instagram.com/p/BxSk5yrHIFo/
Kujtojmë se Renato Mekolli do kthehet së shpejti në ekranin e “Top Channel” me edicionin e dytë të “Hell’s Kitchen”, i cili pritet të ketë formën e një “reality show”. /revistawho.com
