Nga Rudina Laka\Postimet në ‘Instagram’, ‘like-t’, numri i ndjekësve në rrjetet sociale apo dëshpërimi për të pasur sa më shumë famë, nuk është karakteristikë e artistëve të mëdhenj të skenës. Dita e tyre fillon me punën në teatër, për ata që janë të angazhuar dhe mbyllet me një kafe tek lokali i thjeshtë i lagjes, apo diku ku ata ndihen qytetarë si gjithë të tjerët.
Kështu është pak a shumë edhe dita e aktorit të madh Mehdi Malkaj, i cili ka qenë vazhdimisht i angazhuar me veprat më të suksesshme që janë ngjitur në skenën e teatrit. Sot aktori është fotografuar nga paparazi i ‘revistawho.com’ duke kryer detyrat si një kryefamiljar i devotshëm, përpara se të nisi ditën me angazhimet e zakonshme.
I veshur sportiv, larg luksit që ka çdo aktor i nivelit të tij në Hollywood, i thjeshtë në komunikimin me njerëzit, Malkaj është mishërim i profesionalizmit dhe ana tjetër e medaljes që na servirin rrjetet sociale dhe ‘artistët’ e ‘prodhuar’ prej tyre.\revistawho.com
