Viola Spiro ka vite që është pjesë e ekranit shqiptar dhe i janë besuar gjithmonë disa nga emisionet më të suksesshme sportive në vend. Ajo ka treguar se është shumë e zonja në drejtimin e emisioneve të tilla dhe përveç talentit, edhe pamja e saj e kuruar ka ndikuar shumë në suksesin e moderatores. Madje fama e Violës i ka kaluar kufijtë tashmë, sepse duket se ajo është shumë e njohur në vendet tona fqinje. Agjencia e njohur e lajmeve, “Kurir”, në Maqedoni i ka dedikuar një artikull të veçantë moderatores simpatike. “Bombë e vërtetë: Për shkak të kësaj moderatoreje të gjithë shqiptarët janë duke ndjekur një emision sporti”, shkruhet në titullin e artikullit. Në të thuhet se Viola është një nga prezantueset më të komentuara në Shqipëri dhe se biondja magjepsëse është e njohur për bukurinë e saj natyrale. Në artikull shkruhet se emisioni që ajo drejton “Sport Plus” shihet edhe nga ata që nuk janë të interesuar për sportin, vetëm për të shijuar bukurinë e saj.
Duke qenë se është ndjerë me të vërtetë e vlerësuar, Viola nuk është menduar dy herë që këtë artikull ta ndajë me ndjekësit e saj në rrjete sociale. Për moderatoren shqiptare mjaftojnë të tilla shkrime për të vërtetuar se suksesi i saj si nga figurat kryesore të emisioneve sportive sa vjen edhe shtohet me kalimin e viteve. /revistawho.com
