Festat e fundvitit po afrojnë dhe pak nga pak të gjithë kanë nisur të zbukurojnë ambientiet e brendshme. Edhe familja Beckham është gati për të pritur Krishtlindjen dhe Vitin e Ri, pasi Victoria ka zbuluar se ajo dhe vajza e saj, Harper kanë zbukuruar shtëpinë. Dizanjerja e njohur ka publikuar në rrjete sociale video, në të cilat ka treguar se si e ka zbukuruar pemën e Krishtlindjes. Në imazhet e publikuara shihet se ajo ka përdorur pak zbukurime dhe ka treguar se ajo e dëshiron vetë kështu. “Gati e kemi mbaruar pemën. Më pëlqen fakti që nuk është shumë e ngarkuar. Për mua, këtu ka shumë zbukurime. Mendoj se David do kërkoj që t’i vendos më shumë. Më shumë çmenduri në të. Por ne mendojmë se kjo është një pemë Krishtlindje shumë ‘chic'”, thotë Victoria në videon e publikuar.
Më pas ajo ka postuar një video, në të cilën shihet Harper duke hapur një kalendar, ku lexonte “A i ke shkruar Babagjyshit të Vitit të Ri?”. Më herët është raportuar edhe se Victoria dhe David këtë Krishtlindje do të pagëzojnë dy fëmijët e tyre, Harper dhe Cruz, duke qenë se djemtë e mëdhenj, Brooklyn e Romeo, janë pagëzuar më parë. /revistawho.com
