Victoria Beckham ka rikthyer vëmendjen e mediave ndërkombëtare dhe fansave me një postim të fundit në Instagram, i cili po interpretohet gjerësisht si një mesazh i drejtpërdrejtë dhe emocional për djalin e saj të madh, Brooklyn Beckham.
Në një periudhë kur marrëdhënia mes tyre përflitet se po kalon momente të vështira, stilistja britanike ka zgjedhur të flasë me pak fjalë, por me shumë peshë.
Postimi u publikua në një moment shumë të rëndësishëm për Victorinë, pasi ajo u nderua me çmimin prestigjioz francez “Chevalier de L’Ordre des Arts et des Lettres”, akorduar nga ministrja e Kulturës, Rachida Dati.
Krahas fotografive nga ceremonia, ajo ndau një mesazh falënderimi, por ajo që tërhoqi menjëherë vëmendjen ishte një fjali e vetme: “Familja është gjithçka”.
Këto tri fjalë u panë nga shumë ndjekës si një sinjal i koduar dhe një thirrje e butë drejtuar Brooklyn-it, me të cilin raportet, sipas mediave, janë ftohur kohët e fundit.
Sipas burimeve pranë familjes, tensionet dyshohet se nisën pas pretendimeve të Brooklyn se nëna e tij ishte sjellë në mënyrë të papërshtatshme gjatë dasmës së tij, duke krijuar një çarje të ndjeshme në marrëdhënien e tyre.
