Gjendja shëndetësore e kampionit të Formula 1, Michael Schumacher vazhdon të mos bëhet e ditur nga familjarët e tij. Kjo situatë ka shqetësuar shumë Vili Veber. Në një prononcim për “focus.de” ai ka hedhur dyshime të mëdha në lidhje situatën e 7 herë kampionit të botës që tashmë ka një garë më të vështirë, atë të jetës.
“Familjarët e tij nuk po thonë të vërtetën dhe unë kam pasur përplasje me të për një gjë të tillë. Kam shumë dyshime për gjendjen shëndetësore të Schumacherit, pasi po mbajnë gjithçka të fshehtë. Ndonjëherë kur më bie telefoni më duket sikur është ai, por kjo ndjesi shuhet shumë shpejt. Shpresoj që të mos e përjetoj më, pasi nuk është aspak e mirë. Edhe tifozët janë të shqetësuar për gjendjen e tij, por unë mendoj se familja gënjen pasi ai…”, kanë qenë fjalët e Veber, një nga njerëzit e afërt të pilotit gjerman.
Më 29 dhjetor të 2013 Michael Schumacher pësoi një aksident të rëndë në Alpet e Francës, teksa bënte ski.
