Alketa Vejsiu i përdor rrjetet sociale si një kanal komunikimi me të gjithë ndjekësit e saj. Shpeshherë e kemi parë të organizojë intervista të shkurtra me pyetje-përgjigje me të gjithë ata që janë të interesuar të dinë diçka më tepër rreth jetës dhe punës së saj. Edhe ditën e sotme ajo e ka shfrytëzuar për këtë gjë dhe pyetjet kanë qenë të shumta nga ndjekësit e moderatores. Megjithatë ndër to ra në sy pyetja e dikujt që ishte kurioz të dinte nëse Alketa e ka menduar ndonjëherë të bëhet pjesë e politikës. Pavarësisht se shumë do ta pëlqenin edhe si një figurë politike, duket se Alketa nuk e ka pasur ndonjëherë në plan. “As më shkon në mendje! Politika dhe misioni i saj janë me vlerë, por për natyrën time do të ishin kufizim i madh lirie”, – ka thënë Alketa.
Moderatorja njihet si një njeri shumë kreativ dhe për këtë arsye mund ta ketë gati të pamundur ta shoh veten veshur me kostum zyrtar brenda disa rregullave strikte. Ndër vite Alketa ka drejtuar disa nga emisionet më të ndjekura televizive dhe është themeluese e ‘Class’, kompanisë së organizimit të eventeve të ndryshme. /revistawho.com
