Fansat e Justin Bieber kundër Adele

Koncertet e Adele janë tepër të preferuar jo vetëm për shkak të zërit të saj por edhe për komunikimin që ka me audiencën por duket se mbrëmjen e kaluar këngëtarja e ka futur veten në telashe. Fansat që kanë qënë të pranishëm në koncertin e saj në Arizona kanë deklaruar se Adele ka thumbuar Justin Bieber në momentin që ka treguar se sa shumë i do fansat e saj. “Unë vërtet i dua fansat e mi, jo si ata adoleshentët që shprehen se i duan po në fakt nuk është e vërtetë”, ka thënë Adele në koncertin e saj të fundit. Pavarësisht se artistja nuk ka përmendur asnjë emër, fansat e Bieber janë të bindur që Adele ka thumbuar artistin kanadez pasi ky i fundit ka mbylli llogarinë në rrjetin social Instagram për shkak të komenteve që fansat kanë bërë ndaj të dashurës së tij të re.