Kemi dëgjuar histori të shumta fansash të “çmendur”, të cilët arrijnë të bëjnë veprime të çuditshme për “idhujt”e tyre.
Mesa duket diçka e tillë ka ndodhur edhe me fansat e këngëtares Kida. Ajo ka postuar një foto në të cilën shfaqen duart e disa prej fansave të cilët kanë “gdhendur” në duart e tyre emrin e saj, madje edhe duke u lënduar.
Ndonëse e ka cilësuar si një gjest dashurie ndaj saj këngëtarja Orhide Latifi u ka kërkuar fansave të mos bëjnë më veprime të tilla ku lëndojnë veten:
“Fillimisht faleminderit për dashurinë dhe respektin që keni ndaj meje por ju kisha lut që mos të bëni gjëra të tilla në dëm të shëndetit tuaj, ka plotë mënyra tjera që ta shprehi dashurinë tuaj ndaj meje gjë që e vlerësoj shumë,”-shkruan Kida në Instagram.
Gjatë verës që lamë pas ajo ka qenë mjaft e suksesshme sidomos me këngën “Premtimet”.
