Prej kohësh është përfolur se bloggerja e njohur, Armina Mevlani, do të kurorëzojë në martesë dashurinë me partnerin e saj, Shkëlzen Berishën. Edhe pse Mevlani ka treguar shpesh se po merret më përzgjedhjen e fustanit, momenti i celebrimit nuk ka akoma një datë. Duket se Armina dhe Shkëlzeni nuk e kanë më nxitim, pasi për ta martesa nuk tregon asgjë. Kështu është shprehur vetë Armina, teksa një fans e pyet pse nuk është martuar ende. “Nuk mendoj se martesa është arritja më e madhe. Të dy duhemi dhe jemi mirë edhe në bashkëjetesë. Martesa është diçka që thjeshtë bëhet për qejf, por në të vërtetë nuk tregon asgjë”, shkruan bloggerja. Menjëherë Armina ka marrë mbështjetjen e ndjekësve, të cilët bien dakort me fjalët e saj.
