Ditën e djeshme, Ariana Grande, u bë objekt tallje në rrjete sociale për shkak të një tatuazhi. Sipas Arianës tatuazhi i saj në japonisht përkthehej “7 rings”, si kënga e saj më e re, por në fakt ai kishte një kuptim tjetër. Fansat e saj e kapën menjëherë gabimin dhe i treguan se tatuazhi i saj mbante emrin e një ushqimi që piqet në zgarë. Pas komenteve të shumta, Ariana vendosi të reagojë, duke e rregulluar tatuazhin e saj. Përpara se të bënte rregullimet, këngëtarja u konsultua me një mësuese, që të mos përballej sërish me të njëjtin problem.
Mësuesja i sugjeroi Arianës që të shtonte një figurë për fjalën ‘gisht’ dhe në këtë mënyrë do të ndryshohej totalisht kuptimi i tatuazhit të mëparshëm. Megjithatë fansat e saj vazhdojnë të mendojnë se Ariana nuk e ka rregulluar siç duhet, sepse nuk e ka vendosur figurën në vendin e duhur. Siç duket as këtë herë mundi i këngëtares nuk ja ka vlejtur. /revistawho.com
