Gashi dhuroi një performancë të jashtëzakonshme në “Sunny Hill Festival”, por jo të gjithë fansat e pritën mirë sjelljen e reperit. Gjatë kohës që këndonte Gashi u hodh mes turmës për të përshëndetur të pranishmit në festival dhe pasi u ngjit në skenë tha se i kishin vjedhur varësen e tij prej floriri. Pas kësaj reperi kërkoi që fansat të mos e preknin më duke ju drejtuar me sharje. Ata që ishin pjesë e “Sunny Hill Festival” nuk e pritën mirë këtë reagim të reperit, ndaj një pjesë e tyre i kanë kërkuar që të mos kthehet më në Kosovë. Këto komente i kanë rënë në sy artistit, ndaj ai nuk ka nguruar t’ju përgjigjet publikisht të gjithëve. Gashi ka publikuar në ‘Instagram’ disa video në të cilat tregon se ka mbërritur në Los Angeles dhe shprehet se do të kthehet në Kosovë në 2024.
Më pas ai ka zbuluar se askush nuk ja ka vjedhur varësen dhe se ka qenë faji i tij që u hodh mes turmës. “Zinxhiri im është këtu. Askush nuk ma mori zinxhirin. Humba vathin tim sepse një idiot më hoqi maskën. Por vathi nuk ishte shumë i shtrenjtë. Ndodhi, unë u hodha mes turmës dhe është faji im që i dua fansat e mi”, është shprehur Gashi.
Më pas ai ka thënë se lajmet për humbjen e varëses kanë qenë të gjitha të rreme dhe se nuk duhet t’i besojnë. Siç duket eksperienca e këtij viti në “Sunny Hill Festival” nuk ka qenë aspak e këndshme as për Gashin e as për publikun. /revistawho.com
