Fansat i kthehen kundër koleges së saj, Selena Gomez ndjehet keq për situatën e krijuar

Selena Gomez dhe Becky G janë kryefjala e lajmeve në mediat rozë, për shkak të një situate aspak të këndshme mes të dyjave. Gjatë një interviste Becky G ka bërë shaka një pjesë të tekstit të këngës “Taki Taki” të cilën Selena e ka realizuar në bashkëpunim me Ozuna, Cardi B dhe DJ Snake. Pavarësisht se Becky nuk e përmendi Gomez, fansat e kësaj të fundit shpërthyen menjëherë në komente negative ndaj saj. Ata mendojnë se artistja e njohur nuk ironizoi tekstin e këngës, por Selenën. Komentet kundër Becky G sa vijnë dhe shtohen dhe të gjithë e kritikojnë për baltën e hedhur ndaj Gomez. Megjithëse tashmë mendohet se mes dy kolegeve ka një armiqësi, duket se raportet mes tyre janë krejtësisht ndryshe. Burime pranë Selenës kanë treguar për ‘Hollywood Life’ se dy artistet janë mike të mira me njëra-tjetrën, sepse ato të dyja kanë punuar bashkë në filmin ‘Hotel Transylvania’. “Selena e respekton shumë Beckyn si artiste dhe nuk mendon se ajo e ofendoi. Selena i vlerëson fansat e saj që e mbështesin, por për të nuk ka asnjë arsye që ata të sillen keq me Beckyn”, kanë thënë burimet. Nuk dihet nëse fansat e këngëtareve do të vazhdojnë më gjatë me këtë betejë, por tashmë është e qartë se mes Selenas dhe Becky nuk ka asnjë hatërmbetje. /revistawho.com