Camila Morrone dhe Leonardo DiCaprio janë përpjekur ta mbajnë lidhjen e tyre shumë private, megjithatë nuk i kanë shpëtuar asnjëherë syrit të publikut dhe mediave. Marrëdhënia mes tyre është një ndër më të përfolurat për shkak të diferencës në moshë prej 22 vitesh. Pikërisht për këtë gjë Camila është përballur me një urrejtje të madhe në rrjete sociale. Së fundmi modelja 22-vjeçare ka publikuar në ‘Instagram’ një foto të çiftit ikonik të ‘Hollywood-it’ Lauren Bacall dhe Humphrey Bogart shoqëruar me mbishkrimin: “Një dashuri si kjo”.
https://www.instagram.com/p/B0XQw03pzzG/?utm_source=ig_embed&ig_mid=Wyo16QABAAGpBYXhUFzyVGdGJ0A9
Në këtë mënyrë Camila ka krahasuar dashurinë e saj me Leonardon, por fansat duket se nuk janë dakord për lidhjen mes dyshes. Pas këtij postimi disa prej tyre kanë shkruar se sapo Camila të bëj 25 vjeçe DiCaprio do ndahet, sepse ai e do vetëm për trupin e bukur që ka. ‘E! Online’ ka zbuluar se asnjë nga të dashurat e aktorit nuk ka qenë mbi 25 vjeçe, ndaj fansat e tij shprehen në këtë mënyrë. Megjithatë Camila nuk i ka pëlqyer aspak këto komente ndaj ju është përgjigjur të gjithëve publikisht. Gjatë një video ‘live’ në ‘Instagram’ ajo tha: “Sapo lexova disa komente në ‘Instagram-in’ tim dhe oh Zot njerëzit janë kaq të këqinj. Të mbushur me mllef për persona që nuk dinë asgjë. Shpresoj që njerëzit të jetojnë me më pak urrejtje dhe të zënë kohën e tyre me diçka tjetër, sepse të jetosh pa urrejtje është shumë më mirë”.
Kjo deklaratë e Morrone vjen pak ditë pasi revista “People” raportoi se marrëdhënia mes Camilas dhe Leos është shumë serioze. Aktori e ka prezantuar të dashurën tek prindërit dhe modelja tashmë njihet prej kohësh si partnerja e tij. /revistawho.com
