Fansat janë plotësisht të bindur se Taylor Swift është fejuar

Në fund të këtij muaji Taylor Swift do të publikojë albumin e saj më të ri muzikor, “Lover”, të cilin fansat e saj po e presin me padurim. Së fundmi këngëtarja ka zbuluar një pjesë nga teksti i njërës prej këngëve dhe të gjithë kanë filluar të spekulojnë se Taylor është fejuar. “Zemra ime është e vjedhur dhe e jotja është blu”, thotë Swift në një pjesë të tekstit. Këtu ajo i referohet një tradite shumë të njohur angleze që një nuse duhet të ketë në ditën e dasmës diçka blu, diçka të vjetër, diçka të re dhe diçka të vjedhur. Menjëherë fansat e Taylor nisën të komentonin në rrjete sociale duke vënë në dukje të gjitha fjalët nga kënga e saj. “Taylor Swift sapo konfirmoi që është fejuar me Joe Alwyn”, ka shkruar dikush nga ndjekësit e saj në ‘Twitter’. Megjithatë ende nuk dihet me siguri nëse artistja dhe partneri i saj janë fejuar, sepse të gjitha janë thjeshtë fjalë të përhapura nga fansat. Kujtojmë se Swift dhe Alwyn u shfaqën për herë të parë si të dashuruar në maj të 2017-tës. /revistawho.com