Pas ditëlindjes së vajzës së tyre 7-vjeçare, Penelope, fansat kanë kërkuar me ngulm një rikthim të Kourtney Kardashian me Scott Disick. Të shumtë kanë qenë ata të cilët kanë shkruar se fëmijët e ish-çiftit duhet t’i kenë të dy prindërit pranë. Por si është ndjerë e dashura aktuale e 36-vjeçarit pas këtyre lajmeve?
Burime për ‘Hollywoodlife’ kanë zbuluar se Sofia i mirëkupton të gjitha opinionet e ndjekësve sepse ata kanë fëmijë bashkë dhe përkundrazi nuk bezdiset. Megjithatë ajo është siguruar të ketë një raport më të ngushtë me të dashurin e saj dhe më të fshehtë nga syri i mediave.
Burimet kanë shtuar se modelja 20-vjeçare është një nga personat më të kuptueshëm, se e respekton Koutney-n dhe beson në marrëdhënien e tyre të pastër. Ajo preferon t’i japë hapësirën e duhur të dyve për shkak se ata janë prindër të 3 fëmijëve së bashku dhe se nuk e bezdisin komentet e ndjekësve të Disick dhe Kardashian.
Kujtojmë se Sofia është ndeshur shpeshherë me komente negative lidhur me marrëdhënien e saj me Scott, megjithatë ajo ka preferuar mos të përgjigjet në asnjë lloj forme, por të vazhdojë njësoj raportin me partnerin e saj./revistawho.com
