Pas 17 vitesh fansat kanë nisur të flasin sërish rreth romancës së Britney Spears dhe Justin Timberlake. Ndonëse të dy yjet kanë vazhduar jetën e tyre, pasi Justin u martua me Jessica Biel dhe kanë një djalë së bashku, ndërsa Britney është në një marrëdhënie me Sam Asghari, fansat flasin ende për romancën e tyre të dy dekadave më parë.
E gjitha kjo nisi për shkak se Britney publikoi disa ditë më parë një shprehje, e cila kishte të bënte me një marrëdhënie që kishte marrë fund. “Jetët tona nuk u përshtatën me njëra-tjetrën, por shpirtrat tanë mësuan të kërcenin së bashku”,- shkruhej në postin e publikuar nga këngëtarja 37-vjeçare në rrjetet e saj sociale.
Pas spekulimeve të shumta të ndjekësve, Timberlake është shprehur rreth kësaj situate duke treguar se ai është shkëputur nga ajo periudhë, pasi ka ndodhur shumë kohë më parë. Këngëtari shtoi gjithashtu se nuk ka asnjë problem për të që romanca e tyre përmendet edhe sot e kësaj dite, pasi ai e ka hedhur çdo gjë pas krahëve.
Kujtojmë se lidhja e dyshes ka qenë ndër më të komentuarat dhe të pëlqyerat nga të gjithë ndjekësit e këngëtarëve, megjithatë ajo rezultoi mos të zgjaste për shumë kohë./revistawho.com
