Disa pamje që po qarkullojnë së fundmi në rrjete sociale tregojnë Loredanën dhe Mozzik të cilët po bëjnë ‘shopping’ bashkë. Këto pamje i kanë surprizuar të gjithë, pasi prej më shumë se një viti dyshja i ka dhënë fund marrëdhënies së tyre. Madje ata nuk janë ndarë miqësisht me njëri-tjetrin pasi në deklarata e postime të ndryshme kanë folur ashpër për raportin e tyre. Mozzik është shprehur se nuk do të kthehet kurrë me Loredanën, por me sa duket nuk është kështu. Ai dhe Loredana janë prindër të një vajze, por nuk dihet nëse ky ‘rikthim’ është vetëm për vogëlushen apo mes tyre ka diçka më shumë. Kujtojmë se dy ditë më parë në media u shpërnda me shpejtësi lajmi se Mozzik dhe Loredana ndiqen në “TikTok” dhe ky veprim duhet të ketë ndodhur kohëve të fundit.
