Lionel Messi është një nga futbollistët më të dashur në botë dhe natyrisht që ka fansa të shumtë në gjithë globin. Çdo adhurues i futbollit do të dëshironte një foto kujtim me të apo një nënshkrim në një fanellë të yllit argjentinas. Por një adhurues i futbollit e ka bërë ëndrrën realitet në gjysmëfinalen e Kupës së Amerikës. Ai është futur në fushë dhe pasi ka bërë një foto me Messin ka kërkuar nga sulmuesi i Barcelonës t’i nënshkruajë fanellën. Pasi e bëri një gjë të tillë Messi, fansi i tij u përkul para tij duke treguar respekt dhe dashuri për numrin 10 të Argjentinës. 28-vjeçari e ngriti në këmbë fansin e tij duke i dhuruar një përqafim të ngrohtë dhe duke treguar edhe njëherë madhështinë e tij. Ky nuk ishte rasti i parë që fansat futën në fushë për ta përshëndetur Messin, por sigurisht nuk do të jetë as i fundit pasi argjentinasi konsiderohet si futbollisti më i mirë i të gjitha kohërave.
https://www.youtube.com/watch?v=C0Fp6QMuVrU
