“Fast and Furious” është një prej filmave më të suksesshëm dhe duket se së shpejti do publikohet filmi i rradhës. Dita e djeshme ishte dita e fundit xhirimeve për filmin “Fast and Furious 9” dhe aktori protagonist Vin Diesel na ka surprizuar të gjithëve me një video në “Instagram”. Ai ka zbuluar personazhin surprizë të këtij filmi, pikërisht reperen e famshme Cardi B. Cardi shihet në krahë të aktorit e veshur me të zeza. Ata tregojnë se janë shumë të lodhur, dhe se kanë dhënë më të mirën prej vetes në këtë film. Reperja ende nuk ka bërë një postim konkret rreth filmit ku do të marrë pjesë, megjithatë fansat e saj mezi po presin ta shohin këtë projekt. Filmi do të dalë në kinema në 22 maj të vitit 2020 dhe pritet të jetë një sukses si 8 filmat përpara tij.
