Disa ditë më parë Fatma Methasani dhe Alfio Rotani u bënë prindër për herë të parë me vogëlushin Noah.
Pas qëndrimit në spital erdhi momenti që ata të mirëpresin djalin e tyre në shtëpi. Me anë të një Instastory, Alfio na tregon përgatitjet që kanë bërë për të voglin.
Ata kanë çdo gjë gati duke filluar nga rrobat me të cilat bebushi do të dalë nga spitali dhe një valixhe të mbushur me gjërat e Noah. Gjithashtu çifti ka përgatitur dhe një tortë mirëseardhje për të, të dekoruar me një arush dhe me një mbishkrim “Mirë se erdhe Noah”.
Fatma dhe Alfio e kanë treguar harmoninë që kanë me njëri-tjetrin, por tani foleja e tyre e dashurisë padyshim do jetë më e ngrohtë se asnjëherë më parë.
