Sot qenka dita e dashurisë për vajzat e ekranit. Teksa një moderatore e dashur e TV po martohet, një tjetër i kushton vargje shumë emocionuese partnerit të saj. Dhe kur këtë e bën ajo, që i ka me kursim fjalët e ‘ngrohta’ se si na duket. Fatma Haxhialiu, prezantuese e “Thumb”, e ka derdhur të gjithë mjaltin e saj në një dedikim për shokun e jetës, babain e djalit të saj, Kian. Që të na besoni, lexoni çfarë ka shkruar ajo.
“Ndryshojnë numrat, por jo arsyet pse të dua çdo ditë të jetës sime. Një dashuri e çmendur, infantile, pasionante, pa pse-ra, si kjo e jona, është e destinuar të ecë gjatë. Ne nuk themi ‘përgjithmonë’ edhe pse përgjithmonë do të jemi një, te mrekullia jonë e vogël… Ne ditë pas dite japim një pjesë të vetes në këtë histori dashurie… Ti je gjithçka kam dashur, një princ i kaltër me këmbë në tokë, forca ime, një mik i mirë, armik i frikërave të mia. Ende çmendem pas teje, si para 11 vitesh. Me të njëjtin pasion dhe xhelozi. Të dua si një budallaqe naive që beson në përralla…sepse ti je përralla ime, fundi im i lumtur. Edhe 100 babi më i mirë në botë, e sigurt që nipërit e mbesat tona, nuk do ngopen së dëgjuari përrallën tonë, – ka shkruar moderatorja e formatit “Thumb” në “ABC News”, në këtë përvjetor të bashkëshortit të saj. / revistawho.com
