Fatma: Marrëdhënia me Alfion si ‘Tommy dhe Jerry’, por me një fund të lumtur

Pak ditë më parë moderatorja simpatike, Fatma Methasani dhe shefi i kuzhinës, Alfio Rrotani, bën publike marrëdhënien e tyre. Për dy vite me radhë ata arritën të mbanin të fshehtë lidhjen, por sot nuk e kanë problem të shfaqin publikisht ndjenjat për njëri-tjetrin. Së fundmi në një intervistë për ‘Panorama Plus’, moderatorja e ‘Fun Day’ ka zbuluar detaje nga karriera e saj në televizion prej 8 vitesh si dhe nga lidhja e saj me Alfion. Fatma ka treguar se Alfio ja ka fituar zemrën me mesazhe dehëse, dashuri, lule, por mbi të gjitha me këmbënguljen e tij. “Një Zot e di si nuk u dorëzua”, – ka thënë moderatorja me shaka. Më tej ajo ka treguar se për të dy ka qenë çdo ditë një mision më vete për ta mbajtur lidhjen të fshehtë, megjithatë kjo e ka bërë më interesante historinë e tyre të dashurisë. Ndërsa marrëdhënien e tyre ajo e përshkruan si ‘Tommy dhe Jerry’, por me një fund të lumtur. /revistawho.com